Core Catholic Prayersஅடிப்படை கத்தோலிக்க செபங்கள்

பிதா, சுதன், பரிசுத்த ஆவியின் பெயராலே. ஆமென்.

விண்ணுலகில் இருக்கிற எங்கள் தந்தையே! உமது பெயர் தூயது எனப் போற்றப்பெறுக. உமது ஆட்சி வருக. உமது திருவுளம் விண்ணுலகில் நிறைவேறுவது போல மண்ணுலகிலும் நிறைவேறுக.

எங்கள் அன்றாட உணவை இன்று எங்களுக்குத் தாரும். எங்களுக்கு எதிராகக் குற்றம் செய்வோரை நாங்கள் மன்னிப்பது போல எங்கள் குற்றங்களை மன்னியும். எங்களைச் சோதனைக்கு உட்படுத்தாதேயும். தீமையிலிருந்து எங்களை விடுவித்தருளும். ஆமென்.

அருள் நிறைந்த மரியே வாழ்க! கர்த்தர் உம்முடனே. பெண்களுக்குள் ஆசீர்வதிக்கப்பட்டவள் நீரே. உம்முடைய திருவயிற்றின் கனியாகிய இயேசுவும் ஆசீர்வதிக்கப்பட்டவரே.

அர்ச்சிஷ்ட மரியாயே, சர்வேசுரனுடைய மாதாவே, பாவிகளாய் இருக்கிற எங்களுக்காக இப்பொழுதும் எங்கள் மரண நேரத்திலும் வேண்டிக்கொள்ளும். ஆமென்.

பிதாவுக்கும் சுதனுக்கும் பரிசுத்த ஆவிக்கும் மகிமை உண்டாவதாக. ஆதியிலே இருந்தது போல இப்பொழுதும் எப்பொழுதும் என்றென்றும் இருப்பதாக. ஆமென்.

வானமும் பூமியும் படைத்த எல்லாம் வல்ல தந்தையாகிய சர்வேசுரனை விசுவசிக்கிறேன். அவருடைய ஏக சுதனாகிய நம்முடைய ஆண்டவர் இயேசுக் கிறிஸ்துவை விசுவசிக்கிறேன். இவர் பரிசுத்த ஆவியினால் கருத்தாங்கி, கன்னி மரியாயிடமிருந்து பிறந்தார். போஞ்சு பிலாத்துவின் அதிகாரத்தில் பாடுபட்டு, சிலுவையில் அறையப்பட்டு, மரித்து அடக்கம் செய்யப்பட்டார். பாதாளத்தில் இறங்கி, மூன்றாம் நாள் மரித்தோரிடமிருந்து உயிர்த்தெழுந்தார். பரலோகத்திற்கு எழுந்தருளி, எல்லாம் வல்ல பிதாவாகிய சர்வேசுரனின் வலப்பக்கத்தில் வீற்றிருக்கிறார். அவ்விடத்திலிருந்து உயிருள்ளவர்களையும் மரித்தவர்களையும் தீர்ப்பிட வருவார்.

பரிசுத்த ஆவியை விசுவசிக்கிறேன். பரிசுத்த கத்தோலிக்கத் திருச்சபையை விசுவசிக்கிறேன். புனிதர்களுடைய சமூதாயப் பிரார்த்தனையை விசுவசிக்கிறேன். பாவப் பொறுத்தலை விசுவசிக்கிறேன். சரீர உத்தானத்தை விசுவசிக்கிறேன். நித்திய ஜீவியத்தை விசுவசிக்கிறேன். ஆமென்.

கிருபை தயாபத்துக்கு மாதாவாய் இருக்கிற எங்கள் அரசியே வாழ்க! எங்கள் ஜீவியமே, எங்கள் மதுரமே, எங்கள் நம்பிக்கையே வாழ்க! பரதேசிகளாய் இருக்கிற ஏவையின் மக்களாகிய நாங்கள் உம்மைப் பார்த்துக் கூப்பிடுகிறோம். இந்தக் கண்ணீர்க் கணவாயிலிருந்து பிரலாபித்து அழுது உம்மை நோக்கிப் பெருமூச்சு விடுகிறோம்.

ஆதலால் எங்களுக்காக வேண்டி மன்றாடுகிற தாயே, உம்முடைய தயாளமுள்ள திருக்கண்களை எங்கள் பேரில் திருப்பியருளும். இதன்றியே நாங்கள் இந்தப் பரதேசம் கடந்த பிற்பாடு உம்முடைய திருவயிற்றின் கனியாகிய இயேசுநாதருடைய தரிசனத்தை எங்களுக்குத் தந்தருளும். கிருபாகரியே, தயாளியே, மதுரமுள்ள கன்னிமரியாயே!

மு. இயேசுக்கிறிஸ்துநாதருடைய வாக்குத்தத்தங்களுக்கு நாங்கள் பாத்திரமாய் இருக்கத்தக்கதாக,
து. சர்வேசுரனுடைய பரிசுத்த மாதாவே, எங்களுக்காக வேண்டிக்கொள்ளும். ஆமென்.

என் சர்வேசுரா சுவாமி! தேவரீர் அளவில்லாத சகல நன்மையும் நிறைந்தவராகையால் எல்லாவற்றிற்கும் மேலாக உம்மை நான் நேசிக்கிறேன். இப்படிப்பட்ட உமக்கு விரோதமாய்ப் பாவங்களைச் செய்தேனே என்று மிகவும் மனஸ்தாபப்படுகிறேன்.

இனிமேல் ஒருபோதும் பாவம் செய்வதில்லை என்றும், பாவத்துக்குரிய சமயங்களை விட்டு விலகுவேன் என்றும் உறுதியான மனதுடன் பிரதிக்கினை செய்கிறேன். நான் செய்த பாவங்களை எல்லாம் இயேசுநாதருடைய திருப்பாடுகளைப் பார்த்துப் பொறுத்தருளும் சுவாமி. ஆமென்.

மு. ஆண்டவருடைய தூதர் மரியாயிடம் தூது சொன்னார்.
து. அவளும் பரிசுத்த ஆவியினால் கருத்தாங்கினாள். அருள் நிறைந்த…

மு. இதோ ஆண்டவருடைய அடிமை.
து. உமது வார்த்தையின்படியே எனக்கு ஆகக்கடவது. அருள் நிறைந்த…

மு. வார்த்தையானவர் மனுவுருவானார்.
து. நம்மிடையே குடிகொண்டார். அருள் நிறைந்த…

மு. சர்வேசுரனுடைய பரிசுத்த மாதாவே, எங்களுக்காக வேண்டிக்கொள்ளும்.
து. கிறிஸ்துநாதருடைய வாக்குத்தத்தங்களுக்கு நாங்கள் பாத்திரமாகும்படியாக.

செபிப்போமாக: சர்வேசுரா சுவாமி, உம்முடைய திருக்குமாரன் மனிதனானதைத் தூதர் சொல்லக் கேட்டறிந்த நாங்கள், அவருடைய பாடுகளினாலும் சிலுவையினாலும் உயிர்ப்பின் மகிமைக்கு வந்து சேரும்படியாக எங்கள் இதயங்களில் உமது அருளைப் பொழிந்தருளும். இந்த மன்றாட்டுகளை எல்லாம் எங்கள் ஆண்டவராகிய கிறிஸ்துநாதர் வழியாக எங்களுக்குத் தந்தருளும். ஆமென்.

மிகவும் இரக்கமுள்ள கன்னிமரியாயே! உமது அடைக்கலமாக ஓடிவந்து உம்முடைய உதவியை இரந்து உம்மிடம் மன்றாடின ஒருவராவது உம்மால் கைவிடப்பட்டதாக ஒருபோதும் உலகில் சொல்லக் கேள்விப்பட்டதில்லை என்று நினைத்தருளும்.

கன்னியர்களின் கன்னிகையே, என் தாயே! இந்த நம்பிக்கையால் ஏவப்பட்டு உம்மிடம் ஓடிவருகிறேன். பாவியாகிய நான் உமது திருமுன் பெருமூச்சு விட்டுக்கொண்டு நிற்கிறேன். மனுவுருவான வார்த்தையின் தாயே! என் மன்றாட்டைப் புறக்கணியாமல் தயவாய்க் கேட்டருளும். ஆமென்.

என் காவலரான இறைவனின் தூதரே, இறைவனின் அன்பு என்னை உம்மிடம் ஒப்படைத்திருக்கிறது. இன்று எப்போதும் என் அருகில் இருந்து, எனக்கு ஒளிகாட்டி, என்னைக் காத்து, ஆண்டு வழிநடத்தியருளும். ஆமென்.

ஆண்டவரே, அவர்களுக்கு நித்திய இளைப்பாற்றியைக் கொடுத்தருளும். முடிவில்லாத ஒளி அவர்கள் மேல் ஒளிர்வதாக. அவர்கள் சமாதானத்தில் இளைப்பாறுவார்களாக. ஆமென்.

இறைவனின் இரக்கத்தால் அவர்களுடைய ஆன்மாக்களும் மரித்த விசுவாசிகள் அனைவரின் ஆன்மாக்களும் சமாதானத்தில் இளைப்பாறுவார்களாக. ஆமென்.

மகிழ்ச்சி மறைபொருள்கள் (திங்கள், சனி): கபிரியேல் தூதர் மங்கள வார்த்தை சொன்னது · மரியா எலிசபெத்தைச் சந்தித்தது · இயேசு பிறந்தது · இயேசுவைக் கோவிலில் காணிக்கையாக்கியது · காணாமற்போன இயேசுவைக் கோவிலில் கண்டது

துயர மறைபொருள்கள் (செவ்வாய், வெள்ளி): இயேசு இரத்த வியர்வை சிந்தியது · கற்றூணில் கட்டுண்டு அடிபட்டது · முள்முடி சூட்டப்பட்டது · சிலுவை சுமந்தது · சிலுவையில் அறையுண்டு மரித்தது

மகிமை மறைபொருள்கள் (புதன், ஞாயிறு): இயேசு உயிர்த்தெழுந்தது · விண்ணேற்றம் அடைந்தது · தூய ஆவி இறங்கி வந்தது · மரியா விண்ணேற்பு அடைந்தது · மரியா விண்ணக மண்ணக அரசியாக முடிசூட்டப்பட்டது

ஒளியின் மறைபொருள்கள் (வியாழன்): இயேசு திருமுழுக்கு பெற்றது · கானாவூர் திருமணம் · இறையாட்சியை அறிவித்தது · உருமாற்றம் அடைந்தது · நற்கருணையை ஏற்படுத்தியது

ஒவ்வொரு மறைபொருளுக்கும்: ஒரு பரலோக மன்றாட்டு, பத்து மங்கள வார்த்தை, ஒரு திரித்துவப் புகழ்.